Gisteravond in een bomvolle Oranjerie trok Vastelaovesvereniging d’n Uul binnen voorafgegaan door de Drapeau en 2 accordeonisten (Maarten Zijlstra en ikke) om het programma te doen starten.

En waarom accordeonisten, omdat er tot 21.30 uur geen harde muziek gespeeld mocht worden in verband met een concert van Harmonie Concordia uit Melick in de aangrenzende zaal. Maarten en ik hebben ons vrijwel te barsten getrokken aan de accordeons om enigszins de aandacht te trekken, hetgeen maar moeizaam lukte.

Het moment supreme: het uitroepen van de Nuuje Stadsprins van Remunj startte om 21.30 uur en uiteindelijk werd het:

De Prins

Hans IV (Rademakers): ‘Geit neet’ besjteit neet!

De nuuje Prins van D’n Uul sjrief zich Hans Rademakers. Es Hans IV geit hae Remunj regere volges ’t motto det hae dageliks laef: ‘Geit neet’ besjteit neet! Det mot waere begrepe es: alles kint, es-se det wils. Ein oetsjtaekend motto veur deze vastelaovend mit de 11 in ‘t jaor!

In ’t dageliks laeve is Hans IV ongernaemer. Sins begin 2010 haet hae zien eige bedrief (FIR Werving & Selectie) in de persjeneelsbemiddeling. Hae is gein femieliej van Driek Rademakers, mér zien vastelaovesgekheid haet hae neet van vraemde, want zien vader waas de eerste Limburgse buuttekampioen, Joep Rademakers oet Melick. Hans is getrouwd mit Lilianne, det zingk bie de Vrouwluuj van de Rattekas, en ze höbbe same ein dochter, Fem(ke), en eine zoon, Daan. Hans is, zo wiej det heurt veur eine Prins, zien volwasse loupbaan begos in ‘t leger, bie de Loch Mobiele Brigade. Hae is de eerste dae ein rooj beret kreeg opgezat. Hae is mit de eerste lichting in Bosnië gewaes. Mer leefs 68 keer is hae oet ein vleegtuug gesjpronge. Noe nog hilt Hans van aktieve fekansies, leefs skieje örges wied eweg en hoog in de berg. Nao 12,5 jaor in ’t leger switchte hae nao ’t persjeneelswerk, wo-in hae ein sjoon loupbaan haet opgeboewd. Doordet hae aan alle kenj van de taofel gezaete haet en alle mötse oet ’t sjpeel mit persjeneel haet opgehad, wit Hans es de beste waat of det ‘r loos is in det vakgebied. In ziene vrieje tied is prins Hans döks te vinje bie Braam, mér ouch rent t’r gaer lang sjtökke en es t’r neet rent voetbalt t’r es linkshalf (‘sjtieflinks’) bie SSH VETS1. Nao dees oetverkezing zolle de aanmeljinge veur ’t veteraneteam van SSH neet bie te haje zeen! Hans IV haet drie adjudante, eine sjefäör kump t’r dit jaor neet bie te pas. Det zeen Gil Kamphuis, naober en hele gooje vrundj, Henny Nuwenhuis, gooje vrundj, en Richard Croll, zjwaoger en vrundj. Apropos, Gil en Henny sjpele ouch in SSH VETS1, Richard sjpeelt hockey bie Concordia. De here traeje mit sjtiel en waerdigheid op in sjeket. Mesjiens kump de oetverkezing neet gans es ein verrassing. Mer bedink ins waat Hans neet alles oet de (Ratte)kas haet motte haole om zien verkezing geheim te haje … Veurbereidende gesjprekke mit besjtuur, PKK en Hoofredaksie waerde oet veurzorg geveurd in ’t kentoor van adju Gil, op ’t industrieterrein Heide. Det mos, omdet Hans in de kieker löp bie prominente Uule diej bie hem in de buurt wone aan de Rattekas en diej mit hem voetballe bie SSH VETS1. mer ouch dao: ‘Geit neet’ besjteit neet!

’t Complete interview mit Ziene Dorslöstige Hoogheid Hans IV laes geer in de UUL / ’t Zjwetskammezaol van 2011, dae/det geer es lid op 15 jannewarie in de bös höbt ligke en es neet-lid kint koupe op de bekinde adresse.